近日開始左寫 blog 既習慣 (勤寫),
無奈, 用隻 Discuz 既 Xspace 越黎越覺唔就手
雖然要支持番自己起既野
但的而且確用唔順
(遲下再搬番 d 文過黎)

反番轉頭用出面人地 d blog 咩
又硬係覺得唔係自己地頭, 無乜安全感
再講, 就算有野用得唔順, 想自己手改或者加野都多多掣爪咁
都係自己起番過黎用好過

另外
點解名都改埋, 同用過咁既 Ok 灰既名呢
熟悉我既朋友都知道, 我網名一路都離唔開個天字
叫我做 “阿天” 既朋友,
一定會比叫我全名同 Zekta 既人多
(當然, 唔知點解, 好多人發覺我真名完來無個天字,
都有 d 比人呃左既感覺)

咁一路都諗左排架啦, 無奈小弟讀書唔多
又諗來諗去諗唔到 d 正名
隨手執一個, 改下 d 字, 就咁上囉
天地不仁， 以萬物為芻狗。
換個角度諗,
叫天不應, 就唯有自力更新啦